رات میں اس کشمکش میں ایک پل سویا نہیں
کل میں جب جانے لگا تو اس نے کیوں روکا نہیں

Raat mein is kashmakash mein ek pal soyaa nahin
Kal main jab jaane laga to us ne kyun roka nahin

रात में इस कशमकश में एक पल सोया नहीं
कल मैं जब जाने लगा तो उस ने क्यों रोका नहीं

یوں اگر سوچوں تو اک اک نقش ہے سینے پہ نقش
ہائے وہ چہرہ کہ پھر بھی آنکھ میں بنتا نہیں

Yoon agar sochun to ik ik naqsh hai seene pe naqsh
Haaye woh chehra ke phir bhi aankh mein banta nahin

यूँ अगर सोचूँ तो इक इक नक़्श है सीने पे नक़्श
हाए वो चेहरा कि फिर भी आँख में बनता नहीं

کیوں اڑاتی پھر رہی ہے در بدر مجھ کو ہوا
میں اگر اک شاخ سے ٹوٹا ہوا پتا نہیں

Kyun udaati phir rahi hai dar-badar mujh ko hawa
Main agar ik shaakh se toota hua patta nahin

क्यों उड़ाती फिर रही है दर-ब-दर मुझ को हवा
मैं अगर इक शाख़ से टूटा हुआ पत्ता नहीं

آج تنہا ہوں تو کتنا اجنبی ماحول ہے
ایک بھی رستے نے تیرے شہر میں روکا نہیں

Aaj tanha hoon to kitna ajnabi maahaul hai
Ek bhi raste ne tere sheher mein roka nahin

आज तन्हा हूँ तो कितना अजनबी माहौल है
एक भी रस्ते ने तेरे शहर में रोका नहीं

حرف برگ خشک بن کر ٹوٹتے گرتے رہے
غنچۂ عرض تمنا ہونٹ پر پھوٹا نہیں

Harf barg-e-khushk ban kar toot'te girte rahe
Ghuncha-e-arz-e-tamanna honth par phoota nahin

हर्फ़ बर्ग-ए-ख़ुश्क बन कर टूटते गिरते रहे
ग़ुंचा-ए-अर्ज़-ए-तमन्ना होंठ पर फूटा नहीं

درد کا رستہ ہے یا ہے ساعت روز حساب
سیکڑوں لوگوں کو روکا ایک بھی ٹھہرا نہیں

Dard ka rasta hai ya hai sa'at-e-roz-e-hisaab
Saikdon logon ko roka ek bhi thehra nahin

दर्द का रस्ता है या है साअत-ए-रोज़-ए-हिसाब
सैकड़ों लोगों को रोका एक भी ठहरा नहीं

شبنمی آنکھوں کے جگنو کانپتے ہونٹوں کے پھول
ایک لمحہ تھا جو امجدؔ آج تک گزرا نہیں

Shabnami aankhon ke jugnu kaanpte honton ke phool
Ek lamha tha jo 'Amjad' aaj tak guzra nahin

शबनमी आँखों के जुगनू काँपते होंटों के फूल
एक लम्हा था जो 'अमजद' आज तक गुज़रा नहीं