سب قتل ہو کے تیرے مقابل سے آئے ہیں
ہم لوگ سرخ رو ہیں کہ منزل سے آئے ہیں

Sab qatl ho ke tere muqabil se aaye hain
Ham log surkh-ru hain ke manzil se aaye hain

सब क़त्ल हो के तेरे मुक़ाबिल से आए हैं
हम लोग सुर्ख़-रू हैं कि मंज़िल से आए हैं

شمع نظر خیال کے انجم جگر کے داغ
جتنے چراغ ہیں تری محفل سے آئے ہیں

Shama-e-nazar khayal ke anjum jigar ke daagh
Jitne chiraagh hain teri mehfil se aaye hain

शम्अ-ए-नज़र ख़याल के अंजुम जिगर के दाग़
जितने चराग़ हैं तेरी महफ़िल से आए हैं

اٹھ کر تو آ گئے ہیں تری بزم سے مگر
کچھ دل ہی جانتا ہے کہ کس دل سے آئے ہیں

Uth kar to aa gaye hain teri bazm se magar
Kuch dil hi jaanta hai ke kis dil se aaye hain

उठ कर तो आ गए हैं तेरी बज़्म से मगर
कुछ दिल ही जानता है कि किस दिल से आए हैं

ہر اک قدم اجل تھا ہر اک گام زندگی
ہم گھوم پھر کے کوچۂ قاتل سے آئے ہیں

Har ek qadam ajal tha har ek gaam zindagi
Ham ghoom phir ke koocha-e-qatil se aaye hain

हर एक क़दम अजल था हर एक गाम ज़िंदगी
हम घूम फिर के कूचा-ए-क़ातिल से आए हैं

باد خزاں کا شکر کرو فیضؔ جس کے ہاتھ
نامے کسی بہار شمائل سے آئے ہیں

Baad-e-khizaan ka shukr karo Faiz jis ke haath
Naame kisi bahaar-shamail se aaye hain

बाद-ए-ख़िज़ां का शुक्र करो फ़ैज़ؔ जिस के हाथ
नामे किसी बहार-शमाइल से आए हैं