یہ میں بھی کیا ہوں اسے بھول کر اسی کا رہا
کہ جس کے ساتھ نہ تھا ہم سفر اسی کا رہا

yeh main bhi kya hoon use bhool kar usi ka raha
keh jis ke saath na tha hum-safar usi ka raha

ये मैं भी क्या हूँ उसे भूल कर उसी का रहा
के जिस के साथ न था हम-सफ़र उसी का रहा

وہ بت کہ دشمن دیں تھا بقول ناصح کے
سوال سجدہ جب آیا تو در اسی کا رہا

woh but keh dushman-e-deen tha ba-qaul naasih ke
sawaal-e-sajda jab aaya toh dar usi ka raha

वो बुत के दुश्मन-ए-दीं था बक़ौल नासिह के
सवाल-ए-सजदा जब आया तो दर उसी का रहा

ہزار چارہ گروں نے ہزار باتیں کیں
کہا جو دل نے سخن معتبر اسی کا رہا

hazaar chaara-garon ne hazaar baatein keen
kaha jo dil ne sukhan mo'atabar usi ka raha

हज़ार चारा-गरों ने हज़ार बातें कीं
कहा जो दिल ने सुख़न मोतबर उसी का रहा

بہت سی خواہشیں سو بارشوں میں بھیگی ہیں
میں کس طرح سے کہوں عمر بھر اسی کا رہا

bahat si khwahishein sau baarishon mein bheegi hain
main kis tarah se kahoon umr bhar usi ka raha

बहुत सी ख़्वाहिशें सौ बारिशों में भीगी हैं
मैं किस तरह से कहूँ उम्र भर उसी का रहा

کہ اپنے حرف کی توقیر جانتا تھا فرازؔ
اسی لیے کف قاتل پہ سر اسی کا رہا

keh apne harf ki tauqeer jaanta tha faraz
usi liye kaff-e-qaatil pe sar usi ka raha

के अपने हर्फ़ की तौक़ीर जानता था फ़राज़
उसी लिए कफ़-ए-क़ातिल पे सर उसी का रहा