دیکھتا رہتا ہوں میں جو کچھ پریشانی کرے
فیصلے جب دل کے ہوں تو کیا ہنر دانی کرے

Dekhta rehta hoon main jo kuch pareshaani kare
Faisle jab dil ke hon to kya hunar daani kare

देखता रहता हूँ मैं जो कुछ परेशानी करे
फ़ैसले जब दिल के हों तो क्या हुनर दानी करे

آنکھ میں منظر کا جالا کان میں گرد صدا
دشت کا ماحول پیدا خانہ ویرانی کرے

Aankh mein manzar ka jaala kaan mein gard-e-sada
Dasht ka mahaul paida khaana-veeraani kare

आँख में मंज़र का जाला कान में गर्द-ए-सदा
दश्त का माहौल पैदा ख़ाना-वीरानी करे

آرزو خود اپنے خوں سے انجمن پرواز ہے
دل بہر قیمت فروغ جلوہ سامانی کرے

Aarzoo khud apne khoon se anjuman parwaaz hai
Dil ba-har-qeemat farogh-e-jalwa-saamaani kare

आरज़ू ख़ुद अपने ख़ूँ से अंजुमन परवाज़ है
दिल ब-हर-क़ीमत फ़रोग़-ए-जल्वा-सामानी करे

ایک تو اس کی نگاہوں نے کیا بے دست و پا
اس پہ یہ مشکل کہ اپنا دل بھی من مانی کرے

Ek to us ki nigaahon ne kiya be-dast-o-paa
Iss pe yeh mushkil ke apna dil bhi man-maani kare

एक तो उस की निगाहों ने किया बे-दस्त-ओ-पा
इस पे यह मुश्किल कि अपना दिल भी मन-मानी करे

دھیان سے جس کو ہٹانے پر مرا قابو نہیں
آنکھ میں اس کی تمنا خون کو پانی کرے

Dhyaan se jiss ko hataane par mera qaabu nahin
Aankh mein uss ki tamanna khoon ko paani kare

ध्यान से जिस को हटाने पर मिरा क़ाबू नहीं
आँख में उस की तमन्ना ख़ून को पानी करे

وہ گراں گوشی ہے کوئی بات ہی سنتا نہیں
کس توقع پر زباں عرض گراں جانی کرے

Woh giraan-goshi hai koi baat hi sunta nahin
Kis tawaqqo par zabaan arz-e-giraan-jaani kare

वो गिराँ-गोशी है कोई बात ही सुनता नहीं
किस तवक़्क़ो पर ज़बाँ अर्ज़-ए-गिराँ-जानी करे

زندگی بے سود ہے گر اس کی جانب سے نہ ہو
موت بھی دولت ہے گر وہ آپ ارزانی کرے

Zindagi be-sood hai gar uss ki jaanib se na ho
Maut bhi daulat hai gar woh aap arzaani kare

ज़िंदगी बे-सूद है गर उस की जानिब से न हो
मौत भी दौलत है गर वो आप अर्ज़ानी करे

سامنے آیا ہے تو میرے رگ و پے میں اتر
میں تو آئینہ نہیں جو صرف حیرانی کرے

Saamne aaya hai to mere rag-o-pai mein utar
Main to aaina nahin jo sirf hairaani kare

सामने आया है तो मेरे रग-ओ-पै में उतर
मैं तो आईना नहीं जो सिर्फ़ हैरानी करे

کیا کہوں امجدؔ ہوائے اضطراب دید کو
دشت دل کو ایک پل میں شبنمستانی کرے

Kya kahoon Amjad hawaa-e-iztiraab-e-deed ko
Dasht-e-dil ko ek pal mein shabnamistaani kare

क्या कहूँ अमजद हवा-ए-इज़्तिराब-ए-दीद को
दश्त-ए-दिल को एक पल में शबनमिस्तानी करे