گزرا بنائے چرخ سے نالہ پگاہ کا
خانہ خراب ہو جیو اس دل کی چاہ کا

Guzra bana-e-charkh se nala pagaah ka
Khaana kharaab ho jiyo is dil ki chaah ka

गुज़रा बना-ए-चर्ख़ से नाला पगाह का
ख़ाना ख़राब हो जियो इस दिल की चाह का

آنکھوں میں جی مرا ہے ادھر دیکھتا نہیں
مرتا ہوں میں تو ہائے رے صرفہ نگاہ کا

Aankhon mein jee mera hai idhar dekhta nahin
Marta hoon main to haaye re sarfa nigaah ka

आँखों में जी मेरा है इधर देखता नहीं
मरता हूँ मैं तो हाए रे सर्फ़ा निगाह का

صد خانماں خراب ہیں ہر ہر قدم پہ دفن
کشتہ ہوں یار میں تو ترے گھر کی راہ کا

Sad khaanumaan kharaab hain har har qadam pe dafn
Kushta hoon yaar main to tere ghar ki raah ka

सद ख़ानुमाँ ख़राब हैं हर हर क़दम पे दफ़्न
कुश्ता हूँ यार मैं तो तेरे घर की राह का

یک قطرہ خون ہو کے پلک سے ٹپک پڑا
قصہ یہ کچھ ہوا دل غفراں پناہ کا

Yak qatra-e-khoon ho ke palak se tapak pada
Qissa yeh kuchh hua dil-e-ghufraan-panaah ka

यक क़तरा-ए-ख़ून हो के पलक से टपक पड़ा
क़िस्सा यह कुछ हुआ दिल-ए-ग़ुफ़राँ-पनाह का

تلوار مارنا تو تمہیں کھیل ہے ولے
جاتا رہے نہ جان کسو بے گناہ کا

Talwaar maarna to tumhein khel hai wale
Jaata rahe na jaan kisu be-gunaah ka

तलवार मारना तो तुम्हें खेल है वले
जाता रहे न जान किसू बे-गुनाह का

بدنام و خوار و زار و نزار و شکستہ حال
احوال کچھ نہ پوچھیے اس رو سیاہ کا

Badnaam o khwaar o zaar o nizaar o shikasta-haal
Ahwaal kuchh na poochhiye is ru-siyaah ka

बदनाम ओ ख़्वार ओ ज़ार ओ निज़ार ओ शिकस्ता-हाल
अहवाल कुछ न पूछिए इस रू-सियाह का

ظالم زمیں سے لوٹتا دامن اٹھا کے چل
ہوگا کمیں میں ہاتھ کسو داد خواہ کا

Zaalim zameen se lot'ta daaman utha ke chal
Hoga kameen mein haath kisu daad-khwaah ka

ज़ालिम ज़मीं से लोट'ता दामन उठा के चल
होगा कमीं में हाथ किसू दाद-ख़्वाह का

اے تاج شہ نہ سر کو فرو لاؤں تیرے پاس
ہے معتقد فقیر نمد کی کلاہ کا

Aye taaj-e-sheh na sar ko furo laaun tere paas
Hai mo'taqid faqeer namad ki kulaah ka

ऐ ताज-ए-शह न सर को फ़रो लाऊँ तेरे पास
है मो'तक़िद फ़क़ीर नमाद की कुलाह का

ہر لخت دل میں صید کے پیکان بھی گئے
دیکھا میں شوخ ٹھاٹھ تری صید گاہ کا

Har lakht-e-dil mein said ke paikaan bhi gaye
Dekha main shokh thaath teri said-gaah ka

हर लख़्त-ए-दिल में सैद के पैकान भी गए
देखा मैं शोख़ ठाठ तेरी सैद-गाह का

بیمار تو نہ ہووے جیے جب تلک کہ میرؔ
سونے نہ دے گا شور تری آہ آہ کا

Beemaar to na howe jiye jab talak ke 'Mir'
Sone na de ga shor teri aah aah ka

बीमार तो न होवे जिये जब तलक कि 'मीर'
सोने न दे गा शोर तेरी आह आह का