لب ترے لعل ناب ہیں دونوں
پر تمامی عتاب ہیں دونوں

Lab tere laal-e-naab hain donon
Par tamaami 'ataab hain donon

लब तेरे लअल-ए-नाब हैं दोनों
पर तमामी 'अताब हैं दोनों

رونا آنکھوں کا روئیے کب تک
پھوٹنے ہی کے باب ہیں دونوں

Rona aankhon ka roiye kab tak
Phootne hi ke baab hain donon

रोना आँखों का रोइए कब तक
फूटने ही के बाब हैं दोनों

ہے تکلف نقاب وے رخسار
کیا چھپیں آفتاب ہیں دونوں

Hai takalluf naqaab ve rukhsar
Kya chhipen aaftaab hain donon

है तकल्लुफ़ नक़ाब वे रुख़्सार
क्या छिपें आफ़ताब हैं दोनों

تن کے معمورے میں یہی دل و چشم
گھر تھے دو سو خراب ہیں دونوں

Tan ke maamoore mein yehi dil-o-chashm
Ghar the do so kharaab hain donon

तन के मामूरे में यही दिल-ओ-चश्म
घर थे दो सो ख़राब हैं दोनों

کچھ نہ پوچھو کہ آتش غم سے
جگر و دل کباب ہیں دونوں

Kuchh na poochho ki aatish-e-gham se
Jigar-o-dil kabaab hain donon

कुछ न पूछो कि आतिश-ए-ग़म से
जिगर-ओ-दिल कबाब हैं दोनों

سو جگہ اس کی آنکھیں پڑتی ہیں
جیسے مست شراب ہیں دونوں

Sau jagah uski aankhen padti hain
Jaise mast-e-sharaab hain donon

सौ जगह उसकी आँखें पड़ती हैं
जैसे मस्त-ए-शराब हैं दोनों

پاؤں میں وہ نشہ طلب کا نہیں
اب تو سرمست خواب ہیں دونوں

Paanv mein woh nasha-e-talab ka nahin
Ab to sarmast-e-khwaab hain donon

पाँव में वो नशा-ए-तलब का नहीं
अब तो सरमस्त-ए-ख़्वाब हैं दोनों

ایک سب آگ ایک سب پانی
دیدہ و دل عذاب ہیں دونوں

Ek sab aag ek sab paani
Dida-o-dil azaab hain donon

एक सब आग एक सब पानी
दीदा-ओ-दिल अज़ाब हैं दोनों

بحث کاہے کو لعل و مرجاں سے
اس کے لب ہی جواب ہیں دونوں

Bahs kaahe ko laal-o-marjaan se
Us ke lab hi jawaab hain donon

बहस काहे को लअल-ओ-मरजां से
उस के लब ही जवाब हैं दोनों

آگے دریا تھے دیدۂ تر میرؔ
اب جو دیکھو سراب ہیں دونوں

Aage dariya the dida-e-tar Meer
Ab jo dekho saraab hain donon

आगे दरिया थे दीदा-ए-तर मीर
अब जो देखो सराब हैं दोनों