کیا کہیے کہ خوباں نے اب ہم میں ہے کیا رکھا
ان چشم سیاہوں نے بہتوں کو سلا رکھا

Kya kahiye ke khoobaan ne ab hum mein hai kya rakha
In chashm siyahon ne bahuton ko sula rakha

क्या कहिए कि ख़ूबां ने अब हम में है क्या रखा
इन चश्म सियाहों ने बहुतों को सुला रखा

جلوہ ہے اسی کا سب گلشن میں زمانے کے
گل پھول کو ہے ان نے پردہ سا بنا رکھا

Jalwa hai usi ka sab gulshan mein zamaane ke
Gul phool ko hai un ne parda sa bana rakha

जल्वा है उसी का सब गुलशन में ज़माने के
गुल फूल को है उन ने पर्दा सा बना रखा

جوں برگ خزاں دیدہ سب زرد ہوئے ہم تو
گرمی نے ہمیں دل کی آخر کو جلا رکھا

Joon barg-e-khizaan-deeda sab zard hue hum toh
Garmi ne hamein dil ki aakhir ko jala rakha

जूं बर्ग-ए-ख़िज़ां-दीदा सब ज़र्द हुए हम तो
गर्मी ने हमें दिल की आख़िर को जला रखा

کہیے جو تمیز اس کو کچھ اچھے برے کی ہو
دل جس کسو کا پایا چٹ ان نے اڑا رکھا

Kahiye jo tameez us ko kuchh achhe bure ki ho
Dil jis kisu ka paaya chat un ne uda rakha

कहिए जो तमीज़ उस को कुछ अच्छे बुरे की हो
दिल जिस किसू का पाया चट उन ने उड़ा रखा

تھی مسلک الفت کی مشہور خطرناکی
میں دیدہ و دانستہ کس راہ میں پا رکھا

Thi maslak-e-ulfat ki mash'hoor khatarnaaki
Main deeda-o-daanista kis raah mein pa rakha

थी मस्लक-ए-उल्फ़त की मशहूर ख़तरनाकी
मैं दीदा-ओ-दानिस्ता किस राह में पा रखा

خورشید و قمر پیارے رہتے ہیں چھپے کوئی
رخساروں کو گو تو نے برقع سے چھپا رکھا

Khursheed-o-qamar pyaare rehte hain chhupe koi
Rukhsaron ko go tu ne burqe se chhupa rakha

ख़ुर्शीद-ओ-क़मर प्यारे रहते हैं छुपे कोई
रुख़सारों को गो तू ने बुरक़े से छुपा रखा

چشمک ہی نہیں تازی شیوے یہ اسی کے ہیں
جھمکی سی دکھا دے کر عالم کو لگا رکھا

Chashmak hi nahin taazi sheve yeh usi ke hain
Jhumki si dikha de kar aalam ko laga rakha

चश्मक ही नहीं ताज़ी शेवे ये उसी के हैं
झुमकी सी दिखा दे कर आलम को लगा रखा

لگنے کے لیے دل کے چھڑکا تھا نمک میں نے
سو چھاتی کے زخموں نے کل دیر مزہ رکھا

Lagne ke liye dil ke chhidka tha namak main ne
So chhaati ke zakhmon ne kal der maza rakha

लगने के लिए दिल के छिड़का था नमक मैं ने
सो छाती के ज़ख़्मों ने कल देर मज़ा रखा

کشتے کو اس ابرو کے کیا میل ہو ہستی کی
میں طاق بلند اوپر جینے کو اٹھا رکھا

Kushte ko us abru ke kya mail ho hasti ki
Main taaq-e-buland oopar jeene ko utha rakha

कुश्ते को उस अबरू के क्या मैल हो हस्ती की
मैं ताक़-ए-बुलंद ऊपर जीने को उठा रखा

قطعی ہے دلیل اے میرؔ اس تیغ کی بے آبی
رحم ان نے مرے حق میں مطلق نہ روا رکھا

Qat'ee hai daleel ae 'Mir' is tegh ki be-aabi
Rahm un ne mere haq mein mutlaq na rawa rakha

क़तई है दलील ऐ 'मीर' इस तेग़ की बे-आबी
रहम उन ने मिरे हक़ में मुतलक़ न रवा रखा