اب کے بھی سیر باغ کی جی میں ہوس رہی
اپنی جگہ بہار میں کنج قفس رہی

Ab ke bhi sair-e-bagh ki ji mein hawas rahi
Apni jagah bahaar mein kunj-e-qafas rahi

अब के भी सैर-ए-बाग़ की जी में हवस रही
अपनी जगह बहार में कुंज-ए-क़फ़स रही

میں پا شکستہ جا نہ سکا قافلے تلک
آتی اگرچہ دیر صدائے جرس رہی

Main paa-shikasta ja na saka qaafile talak
Aati agarche der sadaa-e-jaras rahi

मैं पा-शिकस्ता जा न सका क़ाफ़िले तलक
आती अगरचे देर सदा-ए-जरस रही

لطف قبائے تنگ پہ گل کا بجا ہے ناز
دیکھی نہیں ہے ان نے تری چولی چس رہی

Lutf-e-qaba-e-tang pe gul ka baja hai naaz
Dekhi nahin hai un ne teri choli chus rahi

लुत्फ़-ए-क़बा-ए-तंग पे गुल का बजा है नाज़
देखी नहीं है उन ने तिरी चोली चुस रही

دن رات میری آنکھوں سے آنسو چلے گئے
برسات اب کے شہر میں سارے برس رہی

Din raat meri aankhon se aansu chale gaye
Barsaat ab ke shehr mein saare baras rahi

दिन रात मेरी आँखों से आँसू चले गए
बरसात अब के शहर में सारे बरस रही

خالی شگفتگی سے جراحت نہیں کوئی
ہر زخم یاں ہے جیسے کلی ہو بکس رہی

Khaali shaguftagi se jaraahat nahin koi
Har zakhm yaan hai jaise kali ho bikas rahi

ख़ाली शगुफ़्तगी से जराहत नहीं कोई
हर ज़ख़्म याँ है जैसे कली हो बिकस रही

دیوانگی کہاں کہ گریباں سے تنگ ہوں
گردن مری ہے طوق میں گویا کہ پھنس رہی

Deewangi kahan ke garebaan se tang hoon
Gardan meri hai tauq mein goya ke phans rahi

दीवानगी कहाँ कि गरेबाँ से तंग हूँ
गर्दन मिरी है तौक़ में गोया कि फँस रही

جوں صبح اس چمن میں نہ ہم کھل کے ہنس سکے
فرصت رہی جو میرؔ بھی سو یک نفس رہی

Jyun subh is chaman mein na hum khul ke hans sake
Fursat rahi jo 'Mir' bhi so yak nafas rahi

ज्यूँ सुब्ह इस चमन में न हम खुल के हँस सके
फ़ुर्सत रही जो 'मीर' भी सो यक नफ़स रही