جز ترے کوئی بھی دن رات نہ جانے میرے
تو کہاں ہے مگر اے دوست پرانے میرے

Juz tere koi bhi din raat na jaane mere
To kahan hai magar ae dost purane mere

जुज़ तेरे कोई भी दिन रात न जाने मेरे
तू कहाँ है मगर ऐ दोस्त पुराने मेरे

تو بھی خوشبو ہے مگر میرا تجسس بے کار
برگ آوارہ کی مانند ٹھکانے میرے

To bhi khushbu hai magar mera tajassus be-kaar
Barg-e-aawaara ki maanind thikaane mere

तू भी ख़ुशबू है मगर मेरा तजस्सुस बे-कार
बर्ग-ए-आवारा की मानिंद ठिकाने मेरे

شمع کی لو تھی کہ وہ تو تھا مگر ہجر کی رات
دیر تک روتا رہا کوئی سرہانے میرے

Shama ki lau thi ki wo to tha magar hijr ki raat
Der tak rota raha koi sirhaane mere

शम्अ की लौ थी कि वो तू था मगर हिज्र की रात
देर तक रोता रहा कोई सिरहाने मेरे

خلق کی بے خبری ہے کہ مری رسوائی
لوگ مجھ کو ہی سناتے ہیں فسانے میرے

Khalq ki be-khabari hai ki meri ruswaai
Log mujh ko hi sunaate hain fasaane mere

ख़ल्क़ की बे-ख़बरी है कि मेरी रुसवाई
लोग मुझ को ही सुनाते हैं फ़साने मेरे

لٹ کے بھی خوش ہوں کہ اشکوں سے بھرا ہے دامن
دیکھ غارت گر دل یہ بھی خزانے میرے

Lut ke bhi khush hoon ki ashkon se bhara hai daaman
Dekh ghaarat-gar-e-dil ye bhi khazaane mere

लुट के भी ख़ुश हूँ कि अश्कों से भरा है दामन
देख ग़ारत-गर-ए-दिल ये भी ख़ज़ाने मेरे

آج اک اور برس بیت گیا اس کے بغیر
جس کے ہوتے ہوئے ہوتے تھے زمانے میرے

Aaj ik aur baras beet gaya us ke baghair
Jis ke hote hue hote the zamaane mere

आज इक और बरस बीत गया उस के बग़ैर
जिस के होते हुए होते थे ज़माने मेरे

کاش تو بھی میری آواز کہیں سنتا ہو
پھر پکارا ہے تجھے دل کی صدا نے میرے

Kaash to bhi meri aawaaz kaheen sunta ho
Phir pukaara hai tujhe dil ki sada ne mere

काश् तू भी मेरी आवाज़ कहीं सुनता हो
फिर पुकारा है तुझे दिल की सदा ने मेरे

کاش تو بھی کبھی آ جائے مسیحائی کو
لوگ آتے ہیں بہت دل کو دکھانے میرے

Kaash to bhi kabhi aa jaaye maseehaai ko
Log aate hain bahut dil ko dukhaane mere

काश् तू भी कभी आ जाए मसीहाई को
लोग आते हैं बहुत दिल को दुखाने मेरे

کاش اوروں کی طرح میں بھی کبھی کہہ سکتا
بات سن لی ہے مری آج خدا نے میرے

Kaash auron ki tarah main bhi kabhi keh sakta
Baat sun li hai meri aaj khuda ne mere

काश् औरों की तरह मैं भी कभी कह सकता
बात सुन ली है मेरी आज ख़ुदा ने मेरे

تو ہے کس حال میں اے زود فراموش مرے
مجھ کو تو چھین لیا عہد وفا نے میرے

To hai kis haal mein ae zood-faraamosh mere
Mujh ko to chheen liya ahd-e-wafa ne mere

तू है किस हाल में ऐ ज़ूद-फ़रामोश मेरे
मुझ को तो छीन लिया अहद-ए-वफ़ा ने मेरे

چارہ گر یوں تو بہت ہیں مگر اے جان فرازؔ
جز ترے اور کوئی زخم نہ جانے میرے

Chaara-gar yoon to bahut hain magar ae jaan-e-Faraz
Juz tere aur koi zakham na jaane mere

चारा-गर यूँ तो बहुत हैं मगर ऐ जान-ए-फ़राज़
जुज़ तेरे और कोई ज़ख़्म न जाने मेरे