سکوت شام خزاں ہے قریب آ جاؤ
بڑا اداس سماں ہے قریب آ جاؤ

sukoot-e-shaam-e-khizaan hai qareeb aa jao
bada udaas samaan hai qareeb aa jao

सकूत-ए-शाम-ए-ख़िज़ां है क़रीब आ जाओ
बड़ा उदास समां है क़रीब आ जाओ

نہ تم کو خود پہ بھروسہ نہ ہم کو زعم وفا
نہ اعتبار جہاں ہے قریب آ جاؤ

na tum ko khud pe bharosa na hum ko zaam-e-wafa
na aitbaar-e-jahaan hai qareeb aa jao

न तुम को ख़ुद पे भरोसा न हम को ज़अम-ए-वफ़ा
न ऐतबार-ए-जहाँ है क़रीब आ जाओ

رہ طلب میں کسی کو کسی کا دھیان نہیں
ہجوم ہم سفراں ہے قریب آ جاؤ

rah-e-talab mein kisi ko kisi ka dhyaan nahin
hujoom-e-hamsafaraan hai qareeb aa jao

रह-ए-तलब में किसी को किसी का ध्यान नहीं
हुजूम-ए-हमसफ़रां है क़रीब आ जाओ

جو دشت عشق میں بچھڑے وہ عمر بھر نہ ملے
یہاں دھواں ہی دھواں ہے قریب آ جاؤ

jo dasht-e-ishq mein bichhde wo umr bhar na mile
yahaan dhuaan hi dhuaan hai qareeb aa jao

जो दश्त-ए-इश्क़ में बिछड़े वो उम्र भर न मिले
यहाँ धुआँ ही धुआँ है क़रीब आ जाओ

یہ آندھیاں ہیں تو شہر وفا کی خیر نہیں
زمانہ خاک فشاں ہے قریب آ جاؤ

ye aandhiyaan hain to shahar-e-wafa ki khair nahin
zamana khaak-fishaan hai qareeb aa jao

ये आँधियाँ हैं तो शहर-ए-वफ़ा की ख़ैर नहीं
ज़माना ख़ाक-फ़िशां है क़रीब आ जाओ

فقیہ شہر کی مجلس نہیں کہ دور رہو
یہ بزم پیر مغاں ہے قریب آ جاؤ

faqeeh-e-shahar ki majlis nahin ke door raho
ye bazm-e-peer-e-mughaan hai qareeb aa jao

फ़क़ीह-ए-शहर की मजलिस नहीं कि दूर रहो
ये बज़्म-ए-पीर-ए-मुग़ां है क़रीब आ जाओ

فرازؔ دور کے سورج غروب سمجھے گئے
یہ دور کم نظراں ہے قریب آ جاؤ

faraz door ke sooraj ghuroob samjhe gaye
ye daur-e-kam-nazaraan hai qareeb aa jao

फ़राज़ दूर के सूरज ग़ुरूब समझे गए
ये दौर-ए-कम-नज़रां है क़रीब आ जाओ