دکھ نوشتہ ہے تو آندھی کو لکھا آہستہ
اے خدا اب کے چلے زرد ہوا آہستہ آہستہ

Dukh noshta hai to aandhi ko likha aahista
Ae Khuda ab ke chale zard hawa aahista aahista

दुख नोश्ता है तो आँधी को लिखा आहिस्ता
ऐ ख़ुदा अब के चले ज़र्द हवा आहिस्ता आहिस्ता

خواب جل جائیں مری چشم تمنا بجھ جائے
بس ہتھیلی سے اڑے رنگ حنا آہستہ

Khwaab jal jaayen miri chashm-e-tamanna bujh jaaye
Bas hatheli se ude rang-e-hina aahista

ख़्वाब जल जाएँ मिरी चश्म-ए-तमन्ना बुझ जाए
बस हथेली से उड़े रंग-ए-हिना आहिस्ता

زخم ہی کھولنے آئی ہے تو عجلت کیسی
چھو مرے جسم کو اے باد صبا آہستہ

Zakhm hi kholne aayi hai to ujlat kaisi
Chhu mire jism ko ae baad-e-saba aahista

ज़ख़्म ही खोलने आई है तो उजलत कैसी
छू मिरे जिस्म को ऐ बाद-ए-सबा आहिस्ता

ٹوٹنے اور بکھرنے کا کوئی موسم ہو
پھول کی ایک دعا موج ہوا آہستہ

Tootne aur bikharne ka koi mausam ho
Phool ki ek dua mauj-e-hawa aahista

टूटने और बिखरने का कोई मौसम हो
फूल की एक दुआ मौज-ए-हवा आहिस्ता

جانتی ہوں کہ بچھڑنا تری مجبوری ہے
پر مری جان ملے مجھ کو سزا آہستہ

Jaanti hoon ke bichhadna tiri majboori hai
Par miri jaan mile mujh ko saza aahista

जानती हूँ कि बिछड़ना तिरी मजबूरी है
पर मिरी जान मिले मुझ को सज़ा आहिस्ता

مری چاہت میں بھی اب سوچ کا رنگ آنے لگا
اور ترا پیار بھی شدت میں ہوا آہستہ

Miri chaahat mein bhi ab soch ka rang aane laga
Aur tira pyaar bhi shiddat mein hua aahista

मिरी चाहत में भी अब सोच का रंग आने लगा
और तिरा प्यार भी शिद्दत में हुआ आहिस्ता

نیند پر جال سے پڑنے لگے آوازوں کے
اور پھر ہونے لگی تیری صدا آہستہ

Neend par jaal se padne lage aawaazon ke
Aur phir hone lagi tiri sada aahista

नींद पर जाल से पड़ने लगे आवाज़ों के
और फिर होने लगी तिरी सदा आहिस्ता

رات جب پھول کے رخسار پہ دھیرے سے جھکی
چاند نے جھک کے کہا اور ذرا آہستہ

Raat jab phool ke rukhsaar pe dheere se jhuki
Chaand ne jhuk ke kaha aur zara aahista

रात जब फूल के रुख़्सार पे धीरे से झुकी
चाँद ने झुक के कहा और ज़रा आहिस्ता