عشق میں ذلت ہوئی خفت ہوئی تہمت ہوئی
آخر آخر جان دی یاروں نے یہ صحبت ہوئی

Ishq mein zillat hui khiffat hui tohmat hui
Aakhir aakhir jaan di yaaron ne yeh sohbat hui

इश्क़ में ज़िल्लत हुई ख़िफ़त हुई तोहमत हुई
आख़िर आख़िर जान दी यारों ने ये सोहबत हुई

عکس اس بے دید کا تو متصل پڑتا تھا صبح
دن چڑھے کیا جانوں آئینے کی کیا صورت ہوئی

Aks us be-deed ka to muttasil padta tha subh
Din chadhe kya jaanoon aaine ki kya soorat hui

अक्स उस बे-दीद का तो मुत्तसिल पड़ता था सुब्ह
दिन चढ़े क्या जानूँ आईने की क्या सूरत हुई

لوح سینہ پر مری سو نیزۂ خطی لگے
خستگی اس دل شکستہ کی اسی بابت ہوئی

Lauh-e-seena par meri sau naiza-e-khatti lage
Khastagi us dil-shikasta ki isi baabat hui

लोह-ए-सीना पर मेरी सौ नेज़ा-ए-ख़त्ती लगे
ख़स्तगी उस दिल-शिकस्ता की इसी बाबत हुई

کھولتے ہی آنکھیں پھر یاں موندنی ہم کو پڑیں
دید کیا کوئی کرے وہ کس قدر مہلت ہوئی

Kholte hi aankhen phir yaan moondni hum ko padin
Deed kya koi kare woh kis qadar muhlat hui

खोलते ही आँखें फिर यां मूँदनी हम को पड़ीं
दीद क्या कोई करे वो किस क़दर मुहलत हुई

پاؤں میرا کلبۂ احزاں میں اب رہتا نہیں
رفتہ رفتہ اس طرف جانے کی مجھ کو لت ہوئی

Paaon mera kulba-e-ahzaan mein ab rehta nahin
Rafta rafta us taraf jaane ki mujh ko lat hui

पाँव मेरा कुलबा-ए-अहज़ां में अब रहता नहीं
रफ़्ता रफ़्ता उस तरफ़ जाने की मुझ को लत हुई

مر گیا آوارہ ہو کر میں تو جیسے گرد باد
پر جسے یہ واقعہ پہنچا اسے وحشت ہوئی

Mar gaya aawara ho kar main to jaise gard-e-baad
Par jise yeh waqea pahuncha use wehshat hui

मर गया आवारा हो कर मैं तो जैसे गर्द-ए-बाद
पर जिसे ये वाक़िआ पहुँचा उसे वहशत हुई

شاد و خوش طالع کوئی ہوگا کسو کو چاہ کر
میں تو کلفت میں رہا جب سے مجھے الفت ہوئی

Shaad-o-khush-taala koi hoga kasu ko chaah kar
Main to kulfat mein raha jab se mujhe ulfat hui

शाद-ओ-खुश-ताला कोई होगा कसू को चाह कर
मैं तो कुलफ़त में रहा जब से मुझे उल्फ़त हुई

دل کا جانا آج کل تازہ ہوا ہو تو کہوں
گزرے اس بھی سانحے کو ہم نشیں مدت ہوئی

Dil ka jaana aaj kal taza hua ho to kahoon
Guzre us bhi saane ko ham-nasheen muddat hui

दिल का जाना आज कल ताज़ा हुआ हो तो कहूँ
गुज़रे उस भी सानिहे को हम-नशीं मुद्दत हुई

شوق دل ہم نا توانوں کا لکھا جاتا ہے کب
اب تلک آپھی پہنچنے کی اگر طاقت ہوئی

Shauq-e-dil hum na-tawaanon ka likha jaata hai kab
Ab talak aap hi pahunchne ki agar taaqat hui

शौक़-ए-दिल हम ना-तवानों का लिखा जाता है कब
अब तलक आप ही पहुँचने की अगर ताक़त हुई

کیا کف دست ایک میداں تھا بیاباں عشق کا
جان سے جب اس میں گزرے تب ہمیں راحت ہوئی

Kya kaf-e-dast ek maidaan tha bayaabaan-e-ishq ka
Jaan se jab is mein guzre tab hamen raahat hui

क्या कफ़-ए-दस्त एक मैदां था बयाबां-ए-इश्क़ का
जान से जब इस में गुज़रे तब हमें राहत हुई

یوں تو ہم عاجز ترین خلق عالم ہیں ولے
دیکھیو قدرت خدا کی گر ہمیں قدرت ہوئی

Yun to hum aajiz-tareen-e-khalq-e-aalam hain wale
Dekhiyo qudrat khuda ki gar hamen qudrat hui

यूँ तो हम आजिज़-तरीन-ए-ख़ल्क़-ए-आलम हैं वले
देखियो क़ुदरत ख़ुदा की गर हमें क़ुदरत हुई

گوش زد چٹ پٹ ہی مرنا عشق میں اپنے ہوا
کس کو اس بیماری جانکاہ سے فرصت ہوئی

Gosh-zad chat-pat hi marna ishq mein apne hua
Kis ko is bimaari-e-jaankaah se fursat hui

गोश-ज़द चट-पट ही मरना इश्क़ में अपने हुआ
किस को इस बीमारी-ए-जांकाह से फ़ुर्सत हुई

بے زباں جو کہتے ہیں مجھ کو سو چپ رہ جائیں گے
معرکے میں حشر کے گر بات کی رخصت ہوئی

Be-zabaan jo kehte hain mujh ko so chup reh jaayenge
Maarke mein hashr ke gar baat ki rukhsat hui

बे-ज़बां जो कहते हैं मुझ को सो चुप रह जाएँगे
मारके में हश्र के गर बात की रुख़्सत हुई

ہم نہ کہتے تھے کہ نقش اس کا نہیں نقاش سہل
چاند سارا لگ گیا تب نیم رخ صورت ہوئی

Hum na kehte the ki naqsh is ka nahin naqqash sahl
Chaand saara lag gaya tab neem-rukh soorat hui

हम न कहते थे कि नक़्श इस का नहीं नक़्क़ाश सहल
चांद सारा लग गया तब नीम-रुख सूरत हुई

اس غزل پر شام سے تو صوفیوں کو وجد تھا
پھر نہیں معلوم کچھ مجلس کی کیا حالت ہوئی

Is ghazal par shaam se to soofiyon ko wajd tha
Phir nahin maloom kuch majlis ki kya haalat hui

इस ग़ज़ल पर शाम से तो सूफ़ीयों को वज्द था
फिर नहीं मालूम कुछ मजलिस की क्या हालत हुई

کم کسو کو میرؔ کی میت کی ہاتھ آئی نماز
نعش پر اس بے سر و پا کی بلا کثرت ہوئی

Kam kasu ko Meer ki mayyat ki haath aayi namaaz
Naash par is be-sar-o-pa ki bala kasrat hui

कम कसू को मीर की मय्यत की हाथ आयी नमाज़
नाश पर इस बे-सर-ओ-पा की बला कसरत हुई