بدن میں آگ ہے چہرہ گلاب جیسا ہے
کہ زہر غم کا نشہ بھی شراب جیسا ہے

badan mein aag hai chehra gulaab jaisa hai
keh zahr-e-gham ka nasha bhi sharaab jaisa hai

बदन में आग है चेहरा गुलाब जैसा है
के ज़ह्र-ए-ग़म का नशा भी शराब जैसा है

وہ سامنے ہے مگر تشنگی نہیں جاتی
یہ کیا ستم ہے کہ دریا سراب جیسا ہے

woh saamne hai magar tishnagi nahin jaati
ye kya sitam hai keh dariya saraab jaisa hai

वो सामने है मगर तिश्नगी नहीं जाती
ये क्या सितम है कि दरिया सराब जैसा है

مگر کبھی کوئی دیکھے ہمیں پڑھے تو سہی
دل آئنہ ہے تو چہرہ کتاب جیسا ہے

magar kabhi koi dekhe hamein padhe to sahi
dil aaina hai to chehra kitaab jaisa hai

मगर कभी कोई देखे हमें पढ़े तो सही
दिल आईना है तो चेहरा किताब जैसा है

بہار خوں سے چمن زار بن گئے مقتل
جو نخل دار ہے شاخ گلاب جیسا ہے

bahaar-e-khoon se chaman-zaar ban gaye maqtal
jo nakhl-e-daar hai shaakh-e-gulaab jaisa hai

बहार-ए-ख़ूँ से चमन-ज़ार बन गए मक़्तल
जो नख़्ल-ए-दार है शाख़-ए-गुलाब जैसा है

کہاں وہ قرب کہ اب تو یہ حال ہے جیسے
ترے فراق کا عالم بھی خواب جیسا ہے

kahaan woh qurb keh ab to ye haal hai jaise
tare firaaq ka aalam bhi khwaab jaisa hai

कहाँ वो क़ुर्ब कि अब तो ये हाल है जैसे
तिरे फ़िराक़ का आलम भी ख़्वाब जैसा है

قریب ہو تو قیامت نہ ہو تو رات ہی رات
وہ آفتاب نہیں آفتاب جیسا ہے

qareeb ho to qiyaamat na ho to raat hi raat
woh aaftaab nahin aaftaab jaisa hai

क़रीब हो तो क़ियामत न हो तो रात ही रात
वो आफ़ताब नहीं आफ़ताब जैसा है

فرازؔ سنگ ملامت سے زخم زخم سہی
ہمیں عزیز ہے خانہ خراب جیسا ہے

faraz sang-e-malaamat se zakhm zakhm sahi
hamein azeez hai khaana-kharaab jaisa hai

फ़राज़ संग-ए-मलामत से ज़ख़्म ज़ख़्म सही
हमें अज़ीज़ है ख़ाना-ख़राब जैसा है