قرب جاناں کا نہ مے خانے کا موسم آیا
پھر سے بے صرفہ اجڑ جانے کا موسم آیا

qurb-e-janaan ka na maikhane ka mausam aaya
phir se be-sarfa ujar jaane ka mausam aaya

क़ुर्ब-ए-जानां का न मयख़ाने का मौसम आया
फिर से बे-सर्फ़ा उजड़ जाने का मौसम आया

کنج غربت میں کبھی گوشۂ زنداں میں تھے ہم
جان جاں جب بھی ترے آنے کا موسم آیا

kunj-e-ghurbat mein kabhi gosha-e-zindan mein the hum
jaan-e-jaan jab bhi tere aane ka mausam aaya

कुंज-ए-ग़ुर्बत में कभी गोशा-ए-ज़िंदां में थे हम
जान-ए-जां जब भी तेरे आने का मौसम आया

اب لہو رونے کی خواہش نہ لہو ہونے کی
دل زندہ ترے مر جانے کا موسم آیا

ab lahoo rone ki khwahish na lahoo hone ki
dil-e-zinda tere mar jaane ka mausam aaya

अब लहू रोने की ख़्वाहिश न लहू होने की
दिल-ए-ज़िंदा तेरे मर जाने का मौसम आया

کوچۂ یار سے ہر فصل میں گزرے ہیں مگر
شاید اب جاں سے گزر جانے کا موسم آیا

koocha-e-yaar se har fasl mein guzre hain magar
shayad ab jaan se guzar jaane ka mausam aaya

कूचा-ए-यार से हर फ़स्ल में गुज़रे हैं मगर
शायद अब जां से गुज़र जाने का मौसम आया

کوئی زنجیر کوئی حرف خرد لے آیا
فصل گل آئی کہ دیوانے کا موسم آیا

koiyi zanjeer koiyi harf-e-khirad le aaya
fasl-e-gul aayi ke deewane ka mausam aaya

कोई ज़ंजीर कोई हर्फ़-ए-ख़िरद ले आया
फ़स्ल-ए-गुल आई कि दीवाने का मौसम आया

سیل خوں شہر کی گلیوں میں در آیا ہے فرازؔ
اور تو خوش ہے کہ گھر جانے کا موسم آیا

sail-e-khoon shehar ki galiyon mein dar aaya hai faraz
aur tu khush hai ke ghar jaane ka mausam aaya

सैल-ए-ख़ूं शहर की गलियों में दर आया है फ़राज़
और तू ख़ुश है कि घर जाने का मौसम आया