شام ڈھلے جب بستی والے لوٹ کے گھر کو آتے ہیں
آہٹ آہٹ دستک دستک کیا کیا ہم گھبراتے ہیں

Shaam dhale jab basti wale laut ke ghar ko aate hain
Aahat aahat dastak dastak kya kya hum ghabrate hain

शाम ढले जब बस्ती वाले लौट के घर को आते हैं
आहट आहट दस्तक दस्तक क्या क्या हम घबराते हैं

اہل جنوں تو دل کی صدا پر جان سے اپنی جا بھی چکے
اہل خرد اب جانے ہم کو کیا سمجھانے آتے ہیں

Ahl-e-junoon to dil ki sada par jaan se apni jaa bhi chuke
Ahl-e-khirad ab jaane hum ko kya samjhane aate hain

अहल-ए-जुनूँ तो दिल की सदा पर जान से अपनी जा भी चुके
अहल-ए-ख़िरद अब जाने हम को क्या समझाने आते हैं

جیسے ریل کی ہر کھڑکی کی اپنی اپنی دنیا ہے
کچھ منظر تو بن نہیں پاتے کچھ پیچھے رہ جاتے ہیں

Jaise rail ki har khidki ki apni apni duniya hai
Kuch manzar to ban nahin paate kuch peechhe reh jaate hain

जैसे रेल की हर खिड़की की अपनी अपनी दुनिया है
कुछ मंज़र तो बन नहीं पाते कुछ पीछे रह जाते हैं

جس کی ہر اک اینٹ میں جذب ہیں ان کے اپنے ہی آنسو
وائے کہ اب وہ اہل دعا ہی اس محراب کو ڈھاتے ہیں

Jis ki har ik eent mein jazb hain un ke apne hi aansu
Vaaye ke ab woh ahl-e-dua hi is mehraab ko dhaate hain

जिस की हर इक ईंट में जज़्ब हैं उन के अपने ही आँसू
वाए कि अब वो अहल-ए-दुआ ही इस मेहराब को ढाते हैं

آج کی شب تو کٹ ہی چلی ہے خوابوں اور سرابوں میں
آنے والے دن اب دیکھیں کیا منظر دکھلاتے ہیں

Aaj ki shab to kat hi chali hai khwabon aur saraabon mein
Aane wale din ab dekhen kya manzar dikhlaate hain

आज की शब तो कट ही चली है ख़्वाबों और सराबों में
आने वाले दिन अब देखें क्या मंज़र दिखलाते हैं

ساری عمر ہی دل سے اپنا ایسا کچھ برتاؤ رہا
جیسے کھیل میں ہارنے والے بچے کو بہلاتے ہیں

Saari umr hi dil se apna aisa kuch bartaao raha
Jaise khel mein haarne wale bachche ko behlaate hain

सारी उम्र ही दिल से अपना ऐसा कुछ बर्ताव रहा
जैसे खेल में हारने वाले बच्चे को बहलाते हैं

نا ممکن کو ممکن امجدؔ اہل وفا کر سکتے ہیں
پانی اور ہوا پر دیکھو کیا کیا نقش بناتے ہیں

Na-mumkin ko mumkin Amjad ahl-e-wafa kar sakte hain
Paani aur hawa par dekho kya kya naqsh banaate hain

ना-मुमकिन को मुमकिन अमजद अहल-ए-वफ़ा कर सकते हैं
पानी और हवा पर देखो क्या क्या नक़्श बनाते हैं