ایسا ہے کہ سب خواب مسلسل نہیں ہوتے
جو آج تو ہوتے ہیں مگر کل نہیں ہوتے

Aisa hai ke sab khwaab musalsal nahin hote
Jo aaj to hote hain magar kal nahin hote

ऐसा है कि सब ख़्वाब मुसलसल नहीं होते
जो आज तो होते हैं मगर कल नहीं होते

اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے

Andar ki fazaon ke karishme bhi ajab hain
Meenh toot ke barse bhi to baadal nahin hote

अंदर की फ़ज़ाओं के करिश्मे भी अजब हैं
मीन्ह टूट के बरसे भी तो बादल नहीं होते

کچھ مشکلیں ایسی ہیں کہ آساں نہیں ہوتیں
کچھ ایسے معمے ہیں کبھی حل نہیں ہوتے

Kuch mushkilen aisi hain ke aasaan nahin hotin
Kuch aise muamme hain kabhi hal nahin hote

कुछ मुश्किलें ऐसी हैं कि आसां नहीं होतीं
कुछ ऐसे मुअम्मे हैं कभी हल नहीं होते

شائستگیٔ غم کے سبب آنکھوں کے صحرا
نمناک تو ہو جاتے ہیں جل تھل نہیں ہوتے

Shaista-gi-e-gham ke sabab aankhon ke sehra
Namnak to ho jaate hain jal-thal nahin hote

शाइस्तगी-ए-ग़म के सबब आँखों के सहरा
नमनाक तो हो जाते हैं जल-थल नहीं होते

کیسے ہی تلاطم ہوں مگر قلزم جاں میں
کچھ یاد جزیرے ہیں کہ اوجھل نہیں ہوتے

Kaise hi talaatum hon magar qulzum-e-jaan mein
Kuch yaad-jazeere hain ke oojhal nahin hote

कैसे ही तलातुम हों मगर क़ुल्ज़ुम-ए-जाँ में
कुछ याद-जज़ीरे हैं कि ओझल नहीं होते

عشاق کے مانند کئی اہل ہوس بھی
پاگل تو نظر آتے ہیں پاگل نہیں ہوتے

Ushaaq ke maanind kai ahl-e-havas bhi
Paagal to nazar aate hain paagal nahin hote

उशशाक़ के मानिंद कई अहल-ए-हवस भी
पागल तो नज़र आते हैं पागल नहीं होते

سب خواہشیں پوری ہوں فرازؔ ایسا نہیں ہے
جیسے کئی اشعار مکمل نہیں ہوتے

Sab khwahishen poori hon Faraz aisa nahin hai
Jaise kai ashaar mukammal nahin hote

सब ख़्वाहिशें पूरी हों फ़राज़ ऐसा नहीं है
जैसे कई अश्आर मुकम्मल नहीं होते