ہر دھڑکن ہیجانی تھی ہر خاموشی طوفانی تھی
پھر بھی محبت صرف مسلسل ملنے کی آسانی تھی

Har dhadkan haijaani thi har khamoshi toofani thi
Phir bhi mohabbat sirf musalsal milne ki aasaani thi

हर धड़कन हैजानि थी हर ख़मोशी तूफ़ानी थी
फिर भी मुहब्बत सिर्फ़ मुसलसल मिलने की आसानी थी

جس دن اس سے بات ہوئی تھی اس دن بھی بے کیف تھا میں
جس دن اس کا خط آیا ہے اس دن بھی ویرانی تھی

Jis din us se baat hui thi us din bhi be-kaif tha main
Jis din us ka khat aaya hai us din bhi weeraani thi

जिस दिन उस से बात हुई थी उस दिन भी बे-कैफ़ था मैं
जिस दिन उस का ख़त आया है उस दिन भी वीरानी थी

جب اس نے مجھ سے یہ کہا تھا عشق رفاقت ہی تو نہیں
تب میں نے ہر شخص کی صورت مشکل سے پہچانی تھی

Jab us ne mujh se yeh kaha tha ishq rafaqat hi to nahin
Tab maine har shakhs ki soorat mushkil se pehchaani thi

जब उस ने मुझ से यह कहा था इश्क़ रफ़ाक़त ही तो नहीं
तब मैंने हर शख़्स की सूरत मुश्किल से पहचानी थी

جس دن وہ ملنے آئی ہے اس دن کی روداد یہ ہے
اس کا بلاؤز نارنجی تھا اس کی ساری دھانی تھی

Jis din woh milne aayi hai us din ki roodaad yeh hai
Us ka blouse naaranji tha us ki saari dhaani thi

जिस दिन वो मिलने आई है उस दिन की रूदाद यह है
उस का ब्लाउज़ नारंजी था उस की साड़ी धानी थी

الجھن سی ہونے لگتی تھی مجھ کو اکثر اور وہ یوں
میرا مزاج عشق تھا شہری اس کی وفا دہقانی تھی

Uljhan si hone lagti thi mujh ko aksar aur woh yun
Mera mizaaj ishq tha shehri us ki wafa dehqaani thi

उलझन सी होने लगती थी मुझ को अक्सर और वो यूं
मेरा मिज़ाज इश्क़ था शहरी उस की वफ़ा देहक़ानी थी

اب تو اس کے بارے میں تم جو چاہو وہ کہہ ڈالو
وہ انگڑائی میرے کمرے تک تو بڑی روحانی تھی

Ab to us ke baare mein tum jo chaaho woh keh daalo
Woh angdaai mere kamre tak to badi ruhaani thi

अब तो उस के बारे में तुम जो चाहो वो कह डालो
वो अंगड़ाई मेरे कमरे तक तो बड़ी रूहानी थी

نام پہ ہم قربان تھے اس کے لیکن پھر یہ طور ہوا
اس کو دیکھ کے رک جانا بھی سب سے بڑی قربانی تھی

Naam pe hum qurbaan the us ke lekin phir yeh taur hua
Us ko dekh ke ruk jaana bhi sab se badi qurbaani thi

नाम पे हम क़ुरबान थे उस के लेकिन फिर यह तौर हुआ
उस को देख के रुक जाना भी सब से बड़ी क़ुरबानी थी

مجھ سے بچھڑ کر بھی وہ لڑکی کتنی خوش خوش رہتی ہے
اس لڑکی نے مجھ سے بچھڑ کر مر جانے کی ٹھانی تھی

Mujh se bichhad kar bhi woh ladki kitni khush khush rehti hai
Us ladki ne mujh se bichhad kar mar jaane ki thaani thi

मुझ से बिछड़ कर भी वो लड़की कितनी ख़ुश ख़ुश रहती है
उस लड़की ने मुझ से बिछड़ कर मर जाने की ठानी थी

عشق کی حالت کچھ بھی نہیں تھی بات بڑھانے کا فن تھا
لمحے لا فانی ٹھہرے تھے قطروں کی طغیانی تھی

Ishq ki haalat kuchh bhi nahin thi baat badhaane ka fan tha
Lamhe la-faani thehre the qatron ki tughyaani thi

इश्क़ की हालत कुछ भी नहीं थी बात बढ़ाने का फ़न था
लम्हे ला-फ़ानी ठहरे थे क़तरों की तुग़यानी थी

جس کو خود میں نے بھی اپنی روح کا عرفاں سمجھا تھا
وہ تو شاید میرے پیاسے ہونٹوں کی شیطانی تھی

Jis ko khud maine bhi apni rooh ka irfaan samjha tha
Woh to shayad mere piyaase honton ki shaitaani thi

जिस को ख़ुद मैंने भी अपनी रूह का इरफ़ान समझा था
वो तो शायद मेरे पियासे होंटों की शैतानी थी

تھا دربار کلاں بھی اس کا نوبت خانہ اس کا تھا
تھی میرے دل کی جو رانی امروہے کی رانی تھی

Tha darbaar-e-kalaan bhi us ka naubat-khaana us ka tha
Thi mere dil ki jo raani Amrohe ki raani thi

था दरबार-ए-कलां भी उस का नौबत-ख़ाना उस का था
थी मेरे दिल की जो रानी अमरोहे की रानी थी